Rovena Rrozhani (Kalaja) shkrimtare e spikatur e letërsisë shqipe për fëmijë u lind në vitin 1974, në Tiranë. Ajo është autore e librave “Po vjen Babagjyshi”, “Lëndina e Arushëve” dhe “Fani në kërkim të Dritës”. Bashkëautore e librave “Tutu mësoi të dëgjojë”, “Kush e shëroi Elefantushin” dhe “Tutu dhe Elefantushi kërkojnë fëmijët”. Shumë prej përrallave të saj janë botuar në periodikë për fëmijë, në Shqipëri dhe në Kosovë. Është fituese e Çmimit Kombëtar të Letërsisë për Fëmijë për vitin 2020. Rovena është dramaturge për fëmijë dhe autore skenaresh filmash të animuar. Pjesët e saj teatrale janë shfaqur në Teatrin Kombëtar të Kukullave ndër të cilat veçohen “Domatja kërcimtare”, “Rozi dhe Kopshti Magjik”, “Ylli Vezullues”.